Viseta
BEINVEGNI EL VITG CULTURAL TRUN
Sche Vus arriveis cul tren (RhB) neu da Cuera ni neu da Mustér, ni cugl auto, en scadin cass ein tuts loghens culturals da contonscher a pei enteifer paucas minutas, schibein dalla staziun sco era dils differents parcadis ano.
La survesta muossa ils singuls loghens culturals sco era ils parcadis publics. Ils baghetgs signai cun colur brina appartegnan agl ensemble da TRUN CULTURA.
Legende
1. Museum Sursilvan Cuort Ligia Grischa
2. Casa Carigiet
3. Casa Desax
4. Spazi d’Art Matias Spescha
5. Kapelle St. Anna mit Ehrengarten
7. Begehbare Skulptur OGNA
8. Kunstpfad am Rhein
Sculptura transibla OGNA
OGNA, la sculptura monumentala digl artist indigen Matias Spescha envida da tut temps a smarvegliar e meditar.
Duront la stad organisescha la fundaziun OGNA concerts ed events ella sculptura ch’ei enconuschenta per sia extraordinaria acustica.
Liug: Via Ogna
Temps d’avertura: aviert sur onn e da tut temps
Spazi d’art Matias Spescha
Exposiziuns variablas han liug ella gronda halla (1000m2) luminusa dall’anteriura fabrica da ponn Trun cun ovras ord il relasch digl artist Matias Spescha en dialog cun artists ed artistas temporanas.
Liug: Via Fabrica 13, 1. alzada
Pausa d’unviern: tochen 14 da mars 2025
Exposiziuns: naven dils 15 da mars tochen ils 16 da november 2025
Temps d’avertura: Venderdis tochen gliendisdis 14:00-17:00 duront las exposiziuns
Entrada: carschi CHF 10.- / affons/giuvenils 5.- / commembers ed affons tochen 7 onns gratuit
bigliets cumbinai: cul Museum Cuort Ligia Grischa CHF 17.- / affons e giuvenils denter 7 e 20 onns CHF 8.-
Casa Carigiet
La casa paterna dils fargliuns artists Alois e Zarli Carigiet sesanfla dapresent en reconstrucziun ed ei buca accessibla alla publicitad. Il baghetg baroc vegn dapi il barschament transformaus pass per pass en ina casa da cultura. Per l’emprema gada san ins arver ina part digl edifeci cun in’exposiziun unica pil publicum.
Exposiziun d’avertura: 2 d’uost – 29 da settember 2025
Temps d’avertura: venderdis – gliendisdis 14:00-17:00
Entrada: l’entrada cuosta per giuven e vegl CHF 5.- bar, per affons tochen 7 onns e commembers dall’Uniun Trun Cultura denton gratuit
Casa Desax
L’unica casa rococo el center dil vitg – denter la casa Carigiet ed il Spazi d’art Matias Spescha – fa part digl ensemble da Trun Cultura. Era quella casa duei vegnir restaurada e cumpletar sco casa da litteratura e per hosps la purschida culturala e gastronomica a Trun .
Liug: Via Sum il Vitg 2
Exposiziun: “Design am Rhein” zercladur / fenadur 2025
Viseta: pusseivel en gruppas e sin damonda, info@trun-cultura.ch
Termins actuals retschevis via nies Newsletter.
Remarcabel
Museum Sursilvan Cuort Ligia Grischa
La Cuort dalla Ligia Grischa ei in dils gronds e bials edifecis historics dalla regiun, construius 1679 sin incarica dalla claustra Mustér che valeva sco casa cumin dalla Ligia Grischa. Il cor dalla casa ei la sala dils uopens.
Oz gioga igl art in’impurtonta rolla el «Hof». Permanentamein ein ovras originalas d’enconuschents artists ed artistas da Trun e contuorn da veser.
Exposiziuns temporanas muossan lavurs dad artists ed artistas dalla regiun.
Liug: Via Principala 90, visavi Casa Carigiet.
Infos: Museum Cuort Ligia Grischa
Scala Trun
In liug per interessai digl art e la musica che sesanfla en ina dallas grondas hallas dall’anteriura fabrica da ponn.
La stanza ei in’iniziativa dil sculptur Gianin Conrad e la sopranista Quirina Lechmann.
Lur atelier mettan ei adina puspei a disposiziun per artists ed amitgs e lur exposiziuns. Era concerts e performanzas han liug cheu.
Liug: Via Dual 10, en la part pli veglia digl areal dalla fabrica datier dil Spazi d’art Matias Spescha
Infos: scalatrun.ch
Senda d’art per liung dil Rein
Artists ed artistas dalla regiun mo era d’autras parts dalla Svizra e magari digl exteriur ein sin la senda per liung dil Rein presents cun lur sculpturas, plasticas, figuras da lenn, fier, bronz, aluminium e crap. Gudi ina fascinonta spassegiada en in territori natural schurmegiau e cumbinei tala cun ina viseta ella sculptura transibla OGNA.
Liug: Campadi, Via l’Ogna
Parcadis: datier dil campadi
Info: Surselva Info
Gastronomia a Trun
Casa Tödi
La Casa Tödi ei in imposant baghetg patrizian e historic ch’envida ad ina viseta culinarica el restaurant da 17 steilas Gault Miallau. Igl ei il liug ideal da cumbinar la viseta culturala a Trun cun in deletg culinaric. Las semplas mo emperneivlas combras porschan recreaziun.
Liug: Via Principala 78
Infos e reservaziun: Casa Tödi
Campadi Trun
Amiez igl uaul d’ogna, gest sper il Rein Anteriur san ins campar. Gudi quei ambient ruasseivel e stimei ina specialitad indigena ell’ustria Ogna dil campadi. Il liug ei in ideal punct da partenza per activitads culturalas e sportivas. Viandar, ir cun velo, pescar ed auter delecteschan il cor.
Liug: Via Campadi 2
Campadi: aviert naven dils 5 d’avrel 2025
Restaurant: aviert naven dils 18 d’avrel 2025
Infos e reservaziun: Camping Trun
La Surselva envida
La Surselva ei ina reha e fetg biala vallada cun bia cultura e historia. Informaziuns davart excursiuns, purschidas da vacanzas sco era il calendari d’occurrenzas anfleis Vus tier Surselva Tourismus.
