A caschun dalla fundaziun dall’uniun, ils 16 da schaner 2020, incarichescha la suprastonza Trun Cultura ina cumissiun dil fatg dad evaluar la realisabladad d’in center cultural da radiaziun naziunala a Trun. Duas premissas per quella interpresa eran dadas:

Il «genius loci» culs frars artists populars Alois e Zarli Carigiet sco era igl enconuschent artist Matias Spescha ed ulterurs producents da cultura duei survir sco basa da cuntegn ed entschatta per discussiuns digl art conform al temps cun temas actuals.

Plinavon disponeva la purtadra da treis baghetgs a Trun, mintgin digns da vegnir manteni, sco loghens d’inscenaziun per in tal center: la ruina dalla casa Alois e Zarli Carigiet, la Casa Desax sut tgira da monuments naziunala e parts dalla fabrica da ponn.