Events
Winterpause CASA CARIGIET
https://trun-cultura.ch/wp-content/uploads/2025/12/CasaCarigiet_2025_FotografieNicoleRampa_25_klein....
Winterpause SPAZI SPESCHA
https://trun-cultura.ch/wp-content/uploads/2025/06/Beide_Ausstellungsaufnahmen_CorsinFontana_Matias-...
Prevista exposiziuns 2026
SPAZI D’ART MATIAS SPESCHA
SPESCHA & SPESCHA / ENERGY FIELDS
9 da matg – 18 d’october 2026
In ulteriur punct culminont enteifer la retscha d’exposiziuns tochen dacheu ei l’unica sentupada artistica; quella denter l’ovra da Venice Spescha e quella da siu bab. Era per l’artista ch’ei naschida 1956 a Paris, carschida si per part a Trun e sper il Lag da Turitg, stat la fascinaziun e sensibilitad per l’atmosfera artistica dil spazi el center, ferton che siu art semanifestescha en autras dimensiuns da concepziun e material che talas da Matias Spescha.
Dils 9 da matg entochen ils 18 d’october 2026 vegnan las ovras da Matias Spescha e da sia feglia Venice Spescha per l’emprema gada presentadas communablamein en in spazi sereferend in’a l’autra.
L’exposiziun scuviera l’interacziun denter il spazi dil maletg veseivel e tal che vegn scaffius tras camps energetics nunveseivels.
CASA CARIGIET
AVON E DAVOS LAS CULISSAS e FESTIVAL DA TRIBUNA DAPERTUT
27 da zercladur – 27 da settember 2026
L’exposziun en casa paterna da Zarli Carigiet meina ils visitaders tras sias differentas fasas da veta e tematisescha siu svilup mo era ses muments umbrivauns e la via alla tribuna. La transformaziun artistica stat el center. Il cor dall’exposiziun ei sia tribuna originala per ina persuna. l’exposiziun porscha ina survesta biografica dalla veta ed ovra dil giugadur sco era ina profunda confruntaziun cun sia creaziun e ses cumbats persunals. Ils visitaders duein scuvrir aschibein la figura publica sco era la persuna privata, savens mudergiada da dubis ed aschia anflar ina nova stema per siu art marcant e sia cumpart dalla cultura svizra: Zarli davos e davon las culissas.
Enteifer il festival da tribuna DAPERTUT vegnan tuts geners digl art sin tribuna presentai e quei sur tuttas spartas ed en fassettas contemporanas. Cumposiziun, reschia, coreografia, musica cun e senza tun, moviment e statica, humor e melanconia, plaid e buca plaid anflan plaz in sper l’auter sin elements movibels da teater ch’envidan a separticipar duront treis dis a Trun e contuorn. La scenografa Moni Wespi che curatescha professiunalmein il program presenta tuts arts da tribuna dil mintgadi e human naven dils 28 tochen ils 30 d’uost 2026 a Trun. Nus envidein teatrists locals e regiunals sco era artists ed artistas naziunalas ed internaziunalas.
Construcziun interna dalla Casa Carigiet
La casa paterna dils frars Alois e Zarli Carigiet ch’ei daventa unfrenda d’in barschament il fevrer 2019 han ins saviu en in’emprema fasa spindrar d’ina spazzada totala e segirar cun in tetg provisoric. Grazia al sustegn finanzial entras la vischnaunca Trun han ins l’entschatta 2024 saviu construiu in tetg da lenn. Alla fin dalla secunda fasa ei la casa vegnida aviarta 2025 per l’emprema gada al publicum cun in’exposiziun dad Alois Carigiet e Nadine Cueni. La tiarza fasa ei planisada per la primavera 2026.
Dil zercladur tochen october 2026 sesarva ina part dalla casa in’ulteriura gada al publicum. Quella gada cun in’exposiziun davart l’ovra da veta da Zarli Carigiet e sia tribuna innovativa per ina persuna.
Visualisierung: gasser,derungs Architekten
Trun Cultura: ina visiun
Nies cor batta per Trun – per ses impurtonts artists, litterats e musicists, mo era per ses unics baghetgs historics. Nums enconuschents sin camp naziunal ed internaziunal sco Alois e Zarli Carigiet, Matias e Hendri Spescha ed auters duein vegnir presentai ad in vast publicum e quei en in dialog cun la reha veta culturala actuala dalla regiun. Tier TRUN CULTURA sauda era il SPAZI SPESCHA ch’ei vegnius aviarts 2023, la sculptura transibla OGNA, inaugurada 2013, la CASA CARIGIET che sesanfla ella fasa da reconstrucziun sco era la CASA DESAX cun diever aunc buca definau. Finamira ei da scaffir in sistem bein colligiaus dad engaschis culturals e varionts e d’instituziuns, che procuran per ina viseta empermettonta a Trun.
La survesta muossa ils singuls loghens culturals dil vitg. L’indicaziun en colur brina fuorman igl ensemble da TRUN CULTURA.
Legenda
1. Museum Sursilvan Cuort Ligia Grischa
2. Casa Carigiet
3. Casa Desax
4. Spazi Spescha
5. caplutta s. Onna
6. Scala Trun
7. sculptura transibla OGNA
8. senda d’art per liung dil Rein
