Casa Desax
Restauraziun dil baghetg rococo e diever sco casa da litteratura e hotel
Ord il rapport dalla tgira da monuments GR
«La casa dalla famiglia Caprez ch’ei d’impurtonza per Trun ei schibein ord vesta historica, architectonica dil liug sco era ord architectura d’art dad eminenta muntada regiunala. Sia structura e l’extraordinaria e bein mantenida substanza dil baghetg procura ch’ella sauda tier in monument d’aulta cultura da habitar el Grischun. Segns caracteristics (tetg da mansarda, lingiadas, decoraziuns dil roccoco) fan attents alla historia dil construider che ha surviu da mercenari en Frontscha. La bein veseivla renovaziun dils onns 1900 entras Sepp Fidel Desay demuossan aulta qualitad (fatschadas, finiastras). Sereferend sin il historismus che vegneva praticaus en epocas da pli baul, harmoniseschan quels elements cun la substanza oriunda.
Ina casa cun biaras pusseivladads
Pil mument ei il diever futur aunc aviarts. Questa stad ha la CASA DESAX purschiu dimora per intervenziuns en rama da «Design per liung dil Rein», ina plattafuorma per design ed art, che ha giu liug ils 27-6 – 14-07-2024 – 14.7. cul tema «Design: art:artisanadi: spazi»
Impressiuns d’events vargai
DESIGN PER LIUNG DIL REIN
La plattafuorma «Design per liung dil Rein» ei vegnida lantschada ils 27-6 –14-07-2024 – 14.7. per l’emprema gada ed ha giu liug da Cuera anora suandond omisdus flums tochen Mustér-Sedrun, respectiv Andeer. Artists ed artistas han aviert lur luvratoris ed han dau investa el process da lur lavur creativa. Il publicum ei vegnius envidaus ad in viadi tras las regiuns per survegnir in’idea da lur muntada per l’economia e la societad e quei en surprendents loghens ed exposiziuns. La CASA DESAX ei stada envidadra per l’exposiziun «derivonza – avegnir» cun contribuziuns da 0813 Grafik Atelier, Bündnertuch, Fabio Hendry, Hitzfilz, Linea R54, Mara Tschudi, Piera Buchli e Tenna Tweed. Per Trun Cultura ei Werner Schmidt staus presents.
