Il program d’intermediaziun ella Stalla Carigiet, sviluppaus da Melanie Maichle per kuverum en collaboraziun cun Trun Cultura, nezegia las „tribunas solo“ sco „Speaking Corner“ el spazi.

Il publicum sa crear in maletg da tribuna ord sdremas da material e fixar quel fotograficamein. Quei maletg da tribuna crescha mintga di e vegn stediamein engrondius dallas differentas atmosferas dallas visitadras e dils visitaders.

Silla tribuna solo stat il teater da Zarli Carigiet el center. Cheu sa vegnir inscenau temas dil mintgadi e nunspectaculars ed ei dat la pusseivladad da seschluitar leutier el muster da rollas da Zarli. A disposiziun stattan agids pli pigns sco requisits ni ulteriuras intimaziuns per giugar cun plascher cun fatgs dil mintgadi sco p.ex. igl agen secuntener ella colonna.

Plinavon vegn purschiu 4x aperos da raquents. Quels duein colligiar carstgauns che han enconuschiu Zarli e che giavischan d’emprender d’enconuscher el. Leutier san ins rimnar experientschas e colligiar historias ina cun l’autra.  Ei duei dar in teppi da raquents che lai reviver Zarli e sentir el sco carstgaun sco era sco artist.

Visualisaziun: Melanie Maichle