Casas ed edifeci
Spazi Spescha
Il Spazi Spescha ell’anteriura fabrica da ponn muossa ovras da Matias Spescha, oriunds da Trun, en dialog cun auters artists ed autras artistas.
Ella gronda halla industriala da 1000 m2 han duront la stad liug exposiziuns che presentan ovras da Matias Spescha en differents contexts ed dialogs.
OGNA
Cun OGNA relai igl enconuschent artist dil Grischun Matias Spescha (1925–2008) in’unica ovra artistica a Trun.
La pli gronda sculptura transibla dalla Svizra sesanfla enamiez ils imposants cuolms dalla Sursevla e fuorma cun tals in’unitad nunusitada, admirabla e meditativa.
OGNA ei accessibla pil publicum duront igl entir onn e da tuttas uras.
