Info
Cul concert da stad ell’OGNA festivein nus 100 onns Matias Spescha era musicalmein: cul mundialmein enconuschent virtuos da Marimba e percussionist Christoph Sietzen, ch’experimentescha la fenomenala acustica dall’OGNA e las preferenzas musicalas da Matias Spescha da Bach tochen Jazz.

Liug
ella sculptura transibla OGNA. En cass da malaura ha il concert liug ella baselgia parochiala s. Martin:  Plaz Cadruvi, 7166 Trun

Arrivada
tuttas infos ein d’anflar cheu.

Tichets
prevendita naven dils 2 da matg 2025

Concert da gala
Christoph Sietzen, igl enconuschent artist da Marimba e percussionist, dat ils 19 da fenadur 2025, a caschun dil 100avel natalezi da Matias Spescha in concert solo ella sculptura OGNA. Era el ei fascinaus sco biars auters musicists dil tun unic en quei spazi aviert. El vegn ad experimentar las atgnadads acusticas da quella construcziun monumentala da betun – quei aschibein cun la gronda Marimba sco era cun sia installaziun impressiunonta d’instruments da percussiun ch’el ha sez sviluppau.

Il concert secumpona da preferenzas musicalas da Matias Spescha, da Bach tochen Jazz, mo era da moderns classichers sco Séjourné ni Minimal Music da Philip Glass, cumposiziuns che secumportan en lur abstracziun perfetgamein cun l’ovra d’art.