Loading events

sonda, 14 da zercladur 2025 - dumengia, 24 d'uost 2025

CORSIN FONTANA / MATIAS SPESCHA

Il dialog da Corsin FontanaMatias Spescha sedrezza a lu lavur figurativa e grafica ch’ei pregnada dalla tscherca d’ina reducziun radicala dil maletg figurativ sin ils pli impurtonts elements.

Adressa
Spazi d’art Matias Spescha, Via Fabrica 13, 7166 Trun

Temps d’avertura
Ils 14 da zercladur – 24 d’uost, mintgmai venderdis tochen gliendisdis 14:00 – 17:00

Vernissasca
sonda, ils 14 da zercladur 2025, 14:00-17:00

Entrada
Reguläâr CHF 10.–, giuvenils ed affons da  7-20 onns CHF 5.-. Entrada gratuita per commembers da TRun Cultura soco era per affons tochen 7 onns.

Ticket cumbinau cun Museum Sursilvan Cuort Ligia Grischa valeivel duront il temps dall’exposiziun  CHF 17.- / 8.-

Arrivada
cul tren: staziun Trun e 10 minutas a pei
cun auto: parcadis avon casa communala ni visavi il Museum Sursilvan Cuort Ligia Grischa

Ausstellungsflyer

Corsin Fontana ha ina speziala relaziun cun Matias Spescha ch’ei ligiada stretgamein cun sia identitad sco artist. A lezzas uras sco scolar secundar eis el sentupaus per l’emprema gada cugl artist en scola, nua che Matias Spescha era envidaus per dilucidar igl art als giuvenils. Impressiunaus dalla persunalitad e l’ovra, sesenteva il giuven Corsin confirmaus en siu clom d’artist.

Ell’ovra da Corsin Fontana dominescha il lungatg figurativ schibein en stampats grafics sco era en ses dessegns monocroms e stregns. Ses gronds maletgs en rida dad ieli demuossen tras lur spessa colur malgrad lur simplicitad in caracter bunamein sculptural.

Tier Matias Spescha giogan ils stampats grafics gia baul ils onns 1960 in rolla centrala en sias ovras. Sut l’influrenza dall’experientscha cun las plasticas el spazi sereducescha il lungatg formal tec a tec sin in minimum, ferton che la bidimensiunalitad dalla surfatscha rumpa si pli tard en ina nova tiarza dimeniun virtuala.

Quei che croda si tier omisdus artista ei la reducziun dils mieds da s’exprimer, specialmein la reducziun sin ina colur e claras lingias che s’orienteschan agl ur dil fegl. En omidus secolligia l’abstraziun paradoxamein cun l’experientscha sensitiva, che sedat ord la relaziun denter colur, glisch e spazi ch’ei bunamein da sentir corporalmein.

L’exposiziun reunescha plirs stampats grafics sco era plirs maletgs en ieli da Fontana cun significants stampats grafics, maletgs e sculptura da Spescha.

Fotos: Nicole Rampa

40cd750bba9870f18aada2478b24840a40cd750bba9870f18aada2478b24840a

Liug

Spazi d’art Matias Spescha,
Via Fabrica 13, 7166 Trun, Switzerland + Google Map

Organisatur

Trun Cultura
Damondas
info@trun-cultura.ch

Title

Go to Top