dumengia, 31 da matg 2026, 11:00 - 13:00
SLOWED LANDSCAPES / Performanza participativa
Informaziun
Il format ibrid SLOW MOVMENT, sviluppaus dalla artista Moni Wespi, cun installaziuns, performanzas e participaziun dil publicum s’integrescha cun colur e construct a moda estetica ella sculptura OGNA. Barba-pegn occupescha in miez rudi egl intern dalla sculptura, vestgescha era ils collaboratus che s’uneschan cun tala ni che sedelibereschan da tala. In der Installation findet ein Konzert von Berlinde Deman statt.
Liug
ella sculptura transibla OGNA. En cass da malaura ha il concert liug ella Stalla Carigiet: Plaz Cadruvi, 7166 Trun.
Arrivada
Tuttas infos anfleis Vus cheu.
Entrada
Carschi CHF 20.-, affons e giuvenils 7-18 onns CHF 10.-
La cassa arva ca. in’ura avant la performanza. Nus supplichein da pagar bar. Ei dat bu la pusseivladad da cartas da credit.
Il publicum sa contemplar l’installaziun duront duas uras da lunsch e datier. El sa prender plaz ni semover tras l’installaziun. Ina pintga gruppa sa tedlar duront mintgamai 15 minutas musica da Saint Georges, secuvierer cun in pelerina da crap ni da mescal ed inspirada dalla plaunezza da tun e vusch, daventar part all’ovra d’art.
Moni Wespi ei da professiun choreografa, artista visuala e dessignadra. Ella viva ad Almens. Siu art mischeida performanza cun installaziuns da video mettend en damonda ils clischés d’identitad e moviment tras scenografias unicas.
Foto: Laurent Orseau
Ell’installaziun concertescha Berlinde Deman. Sia perscrutaziun digl eco ha menau ella al serpent – igl antecessur dalla tuba dil 16-avel tschentaner.
En sias lavurs solo perscrutescha ella il silenzi dil spazi musical. La serpent, pregnada d’in mund senza motors, electricitad e canera permanenta, daventa in uaffen per secolligiar danovamein cun ina realitad acustica daditg piarsa. Tras il flad, pluriform loops e subtila electronica sondescha ella co differentas fuormas da silenzi san tunar – digl intim tochen inquietont.
Berlinde Deman, musicista da tuba, ei enconuschenta tras sia lavur cul Flat Earth Society Orchestra e la collaboraziun cun jazz e musicists contemporans experimentals. Igl atun 2025 ha ella ediu siu emprem album solo e tschenta il serpent e l’electronica live el center d’in ambient acustic reflectont e resonont.
40cd750bba9870f18aada2478b24840a40cd750bba9870f18aada2478b24840a