L’exposiziun dils 27 da zercladur – 27 da settember 2026 ha liug ella casa paterna da Zarli Carigiet e meina ils visitaders tras sias differentas fasas dalla veta, tematisond siu svilup cun ses buns e meins buns muments e sia via alla tribuna. La transformaziun artistica stat el center. Il cor dall’exposiziun ei sia tribuna aper ina persuna. L’exposiziun porscha d’ina vart ina suvesta biografica sur veta ed ovra digl actur, da l’autra vart siu conflict denter sia lavur creativa e ses cumbats persunals. Il visitader astga perscrutar la persuna publica sco era la privata cun tut ses dubis murdents ed appreziar siu art e sia contribuziun alla cultura svizra: Zarli avon e davos las culissas.

Il festival teatral DAPERTUT presenta tut ils geners digl art teatral en tut las fassettas enconuschentas flassegiond in en l’auter. Il program curataus professiunalmein  dalla scenografa Mon Wespi porta igl art teatral viaden el mintgadi ed el human e quei dils 28 – 20 d’uost 2026 a Trun.

Foto: Nicole K. Rampa