Not Vital risguarda en si’exposiziun picturas tumprivas e plasticas. Alla fuorma archaica dil lungatg formal che Spescha ha sviluppau en sia pictura abstracta da grond format, tschenta el vis-à-vis ina retscha lavurs che revegnan a fuormas originalas.

Adressa
Spazi d’art Matias Spescha, Via Fabrica 13, 7166 Trun

Temps d’avertura
6 da settember – 16 da november 2025., venderdis tochen gliendisdis, 14:00-17:00

Vernissascha
Sonda, 6 da settember 2025, 14:00-17:00

Entrada
Regular CHF 10.–, 7-20 onns CHF 5.-. Entrada libra per commembers da Trun Cultura sco era per affons tochen 7 onns.

Tichet cumbinau cun Museum Sursilvan Cuort Ligia Grischa (valeivel tochen la fin dall’exposiziun) CHF 17.- / 8.-

Arrivada 
cul tren: staziun Trun, ca. 10 minutas a pei
cun auto: parcadis avon casa communala ni all’entrada dil vitg vis-à-vis il Museum Sursilvan.

L’exposiziun giubilara a caschun dil 100avel natalezi da Matias Spescha (1925-2008) finescha dignamein cun ina contribuziun da Not Vital. El center sesanflan ovras elegidas da Spescha ord la Fundaziun OGNA – collecziun d’art Matias Spescha, specialmein maletgs e lavurs sin pupi, signai d’in ductus pitoresc e caracteristic – in aspect che sveglia igl interess da Not Vital. L’elecziun ha liug en stretga cunvegna cugl artist, arvend ina perspectiva persunala da respect sin l’ovra da Spescha.

Entras si’intervenziun digl art scaffescha Not Vital in dialog cumplex. All’abstracziun reducida da grond format tschenta el visavi in’elecziun d’atgnas ovras actualas. Leutier saudan dessegns e stampats grafics en resonanza buca mo formala mobein era atmosferica cun ovras da Spescha.

Aschia nescha ina sentupada plein tensiun denter duas posiziuns individualas d’artists che paleisan muments surprendents malgrad la distanza dil temps. L’exposiziun demuossa buca mo ina colligiaziun formala denter ils dus artists mobein era lur differenta avischinaziun al tema dall’abstraziun. En lur cumparaziun s’expriman novas perspectivas – aschibein partenent l’ovra da Matias Spescha sco era quella da Not Vital – fagend ina relevanza classica ed impressiunonta dil relasch artistic da Spescha.