Info
Il guid d’architectura entras Carmen Gasser e Remo Derungs dil biro gasser,derungs porscha in sguard el process dalla reconstrucziun dalla Casa Carigiet ad ina casa da cultura. Il baghetg signuril baroc digl onn 1769 ei daventaus il fevrer 2019 unfrenda d’in barschament e donnegiaus grevamein. La reconstrucziun en pliras etappas ei dapli che semplamein ina sfida dil baghegiar – ella colligia substanza historica cun dessegn modern e scaffescha aschia ina punt denter il vargau ed igl avegnir. Responsabels per la planisaziun e la realisaziun dalla reconstrucziun ei il biro gasser,derungs.

Exposiziun
Informaziuns davart la Casa Carigiet anfleis Vus cheu

Cuosts
Il guid ei cumprius el prezi d’entrada. In’annunzia ei necessaria.  info@trun-cultura.ch

Arrivada
cul tren: staziun Trun, ca 10 min. a pei
cun auto: parcadis avon la casa communala ni visavi il Museum Sursilvan Cuort Ligia Grischa