{"id":8316,"date":"2025-01-16T16:51:32","date_gmt":"2025-01-16T15:51:32","guid":{"rendered":"https:\/\/trun-cultura.ch\/?post_type=tribe_events&p=8316"},"modified":"2025-07-21T17:27:10","modified_gmt":"2025-07-21T15:27:10","slug":"ausstellung-lentschatta","status":"publish","type":"tribe_events","link":"https:\/\/trun-cultura.ch\/rm\/event\/ausstellung-lentschatta\/","title":{"rendered":"L’ENTSCHATTA \/ DER ANFANG"},"content":{"rendered":"

<\/a><\/span><\/div><\/div><\/div>

Aunc duront la reconstrucziun sesarva la CASA CARIGIET per l’emprema gada al publicum: L\u2019ENTSCHATTA \/ DER ANFANG presenta ovras dad Alois Carigiet ord il relasch dalla famiglia, ovras ch’illustreschan il motiv da plazzals. Cumplettada vegn l’exposiziun entras l’installaziun KLIMAX dall’artista da Basilea Nadine Cueni ella stalla ed el curtin, in’inscenaziun digl uaul selvadi \u00abScatl\u00e8\u00bb sur Trun, in plazzal perpeten da regiuvinaziun.<\/p>\n

Vernissascha<\/strong>
\nSonda, ils 2 d’uost 2025, 14:00-17:00<\/p>\n

Adressa<\/strong>
\nCasa Carigiet, Plaz Cadruvi 36, 7166 Trun<\/p>\n

Temps d’avertura\u00a0<\/strong>
\nIls 2 d’uost – 28 da settember, venderdis tochen gliendisdis, 14:00-17:00<\/p>\n

Entrada 2025<\/strong>
\nRegular CHF 10.\u2013, 7-20 Jahre CHF 5.-. Entrada libra per commemberAs da Trun-Cultura<\/p>\n

Ticket cumbinau <\/strong>cul\u00a0Museum Sursilvan Cuort Ligia Grischa<\/a> ni<\/strong> era cul SPAZI SPESCHA (valeivel duront il temps d’exposiziun) CHF 17.- \/ 8.-<\/p>\n

Arrivada<\/strong>
\ncul tren: staziun Trun e 10 minutas a pei
\ncun auto: parcadis avon casa communala ni all’entrada dil vitg visavis il Museum sursilvan<\/p>\n

flyer dall’exposiziun<\/a><\/p>\n<\/div><\/div><\/div><\/div><\/div>

Alois Carigiet ha era malegiau plazzals. Experts san da quellas lavurs, laics denton pon esser surstai dalla schelta da quei motiv. Quellas lavurs nunenconuschentas discuvieran bia dil carstgaun Alois Carigiet: tgei che muentava el, quei ch’el tschercava e co el ha transformau siu interess infinit e sia fascinaziun pigl ambient.<\/p>\n

L’exposiziun d’avertura ella CASA CARIGIET tematisescha l’entschatta da mintga midada. L’ENTSCHATTA \/ DER ANFANG possibilitescha in sguard sin lavurs nunenconuschentas e motivs digl artist, scaffend il medem mument ina relaziun directa cun la casa paterna ch’ei actualmein en cumpleina transformaziun – la CASA CARIGIET – dapi zaconts onns ina ruina da barschament e sin buna via da daventar ina casa aviarta da cultura che viva.<\/p>\n

Buca lunsch naven da Trun, ella Val Frisal, sesanfla in dils davos uauls selvadis en Svizra, numnaus “Scatl\u00e8”. Quei uaul han ins declarau gia 1910 sco reservat dalla natira ed el ei in dils davos uauls da p\u00e9gns ellas Alps.<\/p>\n

Ils maletgs dad Alois Carigiet che sesanflan ella CASA CARIGIET, dapresent en reconstrucziun, tematiseschan il tema carstgaun e tecnica. Aschia s’0ccupescha era Nadine Cueni e sia installaziun KLIMAX cun la relaziun da cultura e natira. La preschientscha dil carstgaun ella natira ei indiscutabla, gie schizun el uaul selvadi Scatl\u00e8.<\/p>\n

Omisduas lavurs muossan in mument da transformaziun brachiala e metamorfosa el ciclus da destrucziun e nov’entschatta.<\/p>\n<\/div><\/div><\/div>