{"id":8310,"date":"2025-01-16T16:26:58","date_gmt":"2025-01-16T15:26:58","guid":{"rendered":"https:\/\/trun-cultura.ch\/event\/ausstellung-fontana\/"},"modified":"2025-06-28T12:50:35","modified_gmt":"2025-06-28T10:50:35","slug":"ausstellung-fontana","status":"publish","type":"tribe_events","link":"https:\/\/trun-cultura.ch\/rm\/event\/ausstellung-fontana\/","title":{"rendered":"CORSIN FONTANA \/ MATIAS SPESCHA"},"content":{"rendered":"

<\/a><\/span><\/div><\/div><\/div>

Il dialog da Corsin Fontana<\/strong> e\u00a0Matias Spescha<\/strong> sedrezza a lu lavur figurativa e grafica ch’ei pregnada dalla tscherca d’ina reducziun radicala dil maletg figurativ sin ils pli impurtonts elements.<\/p>\n

Adressa<\/strong>
\nSpazi d’art Matias Spescha, Via Fabrica 13, 7166 Trun<\/p>\n

Temps d’avertura<\/strong>
\nIls 14 da zercladur – 24 d’uost, mintgmai venderdis tochen gliendisdis 14:00 – 17:00<\/p>\n

Vernissasca<\/strong>
\nsonda, ils 14 da zercladur 2025, 14:00-17:00<\/p>\n

Entrada<\/strong>
\nRegul\u00e4\u00e2r CHF 10.\u2013, giuvenils ed affons da\u00a0 7-20 onns CHF 5.-. Entrada gratuita per commembers da TRun Cultura soco era per affons tochen 7 onns.<\/p>\n

Ticket cumbinau <\/b>cun\u00a0Museum Sursilvan Cuort Ligia Grischa<\/a> valeivel duront il temps dall’exposiziun\u00a0 CHF 17.- \/ 8.-<\/p>\n

Arrivada<\/strong>
\ncul tren: staziun Trun e 10 minutas a pei
\ncun auto: parcadis avon casa communala ni visavi il Museum Sursilvan Cuort Ligia Grischa<\/p>\n

Ausstellungsflyer<\/a><\/p>\n<\/div><\/div><\/div><\/div><\/div>

Corsin Fontana ha ina speziala relaziun cun Matias Spescha ch\u2019ei ligiada stretgamein cun sia identitad sco artist. A lezzas uras sco scolar secundar eis el sentupaus per l\u2019emprema gada cugl artist en scola, nua che Matias Spescha era envidaus per dilucidar igl art als giuvenils. Impressiunaus dalla persunalitad e l\u2019ovra, sesenteva il giuven Corsin confirmaus en siu clom d\u2019artist.<\/p>\n

Ell\u2019ovra da Corsin Fontana dominescha il lungatg figurativ schibein en stampats grafics sco era en ses dessegns monocroms e stregns. Ses gronds maletgs en rida dad ieli demuossen tras lur spessa colur malgrad lur simplicitad in caracter bunamein sculptural.<\/p>\n

Tier Matias Spescha giogan ils stampats grafics gia baul ils onns 1960 in rolla centrala en sias ovras. Sut l\u2019influrenza dall\u2019experientscha cun las plasticas el spazi sereducescha il lungatg formal tec a tec sin in minimum, ferton che la bidimensiunalitad dalla surfatscha rumpa si pli tard en ina nova tiarza dimeniun virtuala.<\/p>\n

Quei che croda si tier omisdus artista ei la reducziun dils mieds da s\u2019exprimer, specialmein la reducziun sin ina colur e claras lingias che s\u2019orienteschan agl ur dil fegl. En omidus secolligia l\u2019abstraziun paradoxamein cun l\u2019experientscha sensitiva, che sedat ord la relaziun denter colur, glisch e spazi ch\u2019ei bunamein da sentir corporalmein.<\/p>\n

L\u2019exposiziun reunescha plirs stampats grafics sco era plirs maletgs en ieli da Fontana cun significants stampats grafics, maletgs e sculptura da Spescha.<\/p>\n<\/div><\/div><\/div>