Casas ed edifeci
Spazi Spescha
Il Spazi Spescha ell’anteriura fabrica da ponn muossa ovras da Matias Spescha, oriunds da Trun, en dialog cun auters artists ed autras artistas. Ell’anteriura gronda halla industriala da 1000m2 ha liug duront la stad in’exposiziun che presenta ovras da Spescha en differents contexts e dialogs cun auters artists, autras artistas.
Adressa Via Fabrica 13, 7166 Trun
temps d’avertura 11 da matg – 27 d’october 2024 mesjamna – dumengia denter las 14–17 uras
OGNA
Cun OGNA relai igl enconuschent artist indigen Matias Spescha (1925–2008) in’ovra unica a Trun. La pli gronda sculptura transibla en Svizra sesanfla amiez ils imposants cuolms dalla Surselva e fuorma cun els in’unitad nunusitada, meditativa e miravigliusa. OGNA ei accessibla da tut temps e sur onn
Adressa Via Ogna, 7166 Trun
Casa Carigiet
L’anteriura casa paterna e signerila dils frars Carigiet ch’ei sut protecziun da monuments vegn suenter il barschament puspei reconstruida e nezzegiada sco casa culturala. La sanaziun dalla casa vegn realisada en etappas ed aviarta schi spert sco pusseivel al publicum.
Adressa Plaz Cadruvi 36, 7166 Trun sper la baselgia parochiala s. Martin e gest visavi il Museum Sursilvan Cuort Ligia Grischa
Casa Desax
La CASA hospitala DESAX duei cumpletar ed augmentar la purschida culturala da TRUN CULTURA optimalmein. La casa survescha sco sedia dall’Uniun Trun Cultura e vegn aviarta sin giavisch.
Adressa Via Sum il Vitg 2, 7166 Trun gest sper il hotel-restaurant Casa Tödi el center dil vitg.
Viseta sin damonda: info@trun-cultura.ch