Casa Desax
Restauraziun dil baghetg rococo e diever
sco casa da litteratura e hotel
La CASA hospitala DESAX duei cumpletar ed augmentar la purschida culturala da TRUN CULTURA optimalmein. Nus examinein pliras opziuns da diever, specialmein la mediaziun dalla litteratura romontscha, sco Caspar Decurtins, Hendri Spescha, Alfons Maissen ed auters, mo era da diever d’albiert e da residenza d’artists.
Ord il rapport dalla tgira da monuments GR
«La casa dalla famiglia Caprez ch’ei d’impurtonza per Trun ei schibein ord vesta historica, architectonica dil liug sco era ord architectura d’art dad eminenta muntada regiunala. Sia structura e l’extraordinaria e bein mantenida substanza dil baghetg procura ch’ella sauda tier in monument d’aulta cultura da habitar el Grischun. Segns caracteristics (tetg da mansarda, lingiadas, decoraziuns dil roccoco) fan attents alla historia dil construider che ha surviu da mercenari en Frontscha. La bein veseivla renovaziun dils onns 1900 entras Sepp Fidel Desay demuossan aulta qualitad (fatschadas, finiastras). Sereferend sin il historismus che vegneva praticaus en epocas da pli baul, harmoniseschan quels elements cun la substanza oriunda.
Ina casa cun biaras pusseivladads
Pil mument ei il diever futur aunc aviarts.
Questa stad daventa la CASA DESAX dimora per intervenziuns el spazi en rama da “Design am Rhein”, ina plattafuorma per design ed art, che ha liug ils 27 da zercladur – 14.7. cul tema “Design:art:mistregn:spazi”.