Il Spazi Spescha ell’anteriura fabrica da ponn muossa ovras da Matias Spescha, oriunds da Trun, en dialog cun auters artists ed autras artistas. Ella gronda anteriura halla industriala da 1000m2 ha duront la stad liug in’exposiziun che presenta ovras da Spescha en differents contexts e dialogs cun auters artists, autras artistas.

Adressa Via Fabrica 13, 7166 Trun

Temps d’avertura 11 da matg – 27 d’october 2024 mesjamna – dumengia denter las 14–17 uras

Cun OGNA relai igl enconuschent artist indigen Matias Spescha (1925–2008) in’ovra unica a Trun. La pli gronda sculptura transibla sesanfla amiez ils cuolms imposants dalla Surselva e fuorma cun els in’unitad nunusitada, meditativa e miravigliusa. OGNA ei accessibla da tut temps e sur onn

Adressa Via Ogna, 7166 Trun

L’anteriura casa paterna e signerila dils frars Carigiet ch’ei sut protecziun da monuments vegn suenter il barschament puspei reconstruida e nezzegiada sco casa culturala. La sanaziun dalla casa vegn realisada en etappas ed aviarta schi spert sco pusseivel al publicum.

Adressa Plaz Cadruvi 36, 7166 Trun

sper la baselgia parochiala s. Martin e gest visavi il Museum Sursilvan Cuort Ligia Grischa