Salvei la Casa Carigiet!

Ils 19 da fevrer 2019 brischa l’imposanta Casa Carigiet. In donn total constatescha l’assicuranza d’edifezis, era sch’ils mirs dallas fatschadas stattan per part – ina vera tragedia pil maletg da Trun! Per salvar la casa paterna dils enconuschents frars ed artists Alois e Zarli Carigiet acquista Trun Cultura la ruina.

fidel_alig_img_0099

Casa Carigiet egl ensemble cun la baselgia s. Martin

img_5308

Suenter il barschament dils 19 da fevrer 2019

Segidei!

Collecta online!

Trun Cultura cumpra e reconstruescha igl imposant edifeci all'entrada dil vitg ed arva el sco centrum cultural per la publicitad.

Per la cumpra dalla ruina rimna l'uniun in quart milliun francs. Mo aschia san ins impedir la spazzada totala dil baghetg. Il medem mument planisescha in team d'experts la reconstrucziun dalla Casa Carigiet ed elaborescha in concept pil diever cultural. A caschun dalla fiasta «600 onns Ligia Grischa» igl onn 2024 vegn il baghetg reconstruiu inauguraus.

Giachen Rest Casanova (1750-1802), antruras capitani en survetsch jester e pli tard mistral dalla Cadi, lai baghegiar quei edifeci 1769. Gion Giusep Carigiet (1795-1882), medemamein officier en survetsch jester, cumpra la casa 1850. El daventa president da vischnaunca, mistral e deputau. Era Aluis, siu fegl giuven, vegn pli tard elegius sco president da vischnaunca e mistral dalla Cadi. El ei il bab digl enconuschent pictur artist Alois e dil giugadur Zarli Carigiet. Tochen al di dal barschament vivan affons e biadis d'auters fargliuns Carigiet en casa.

Simon Berger, cau dalla tgira da monuments dil Cantun, fa attents all'impurtonza da quei baghetg patrizian historic: "Il maletg dil vitg da Trun ei da muntada naziunala. La Casa Carigiet ei in baghetg pregnant ed impurtont all'entrada dil vitg. Mo era la historia dalla casa sezza ei in punct central per la Surselva. Per quei motiv s'engascha la tgira da monuments per il salvament e la reconstrucziun da quel edifeci."

Tiarms e planisaziun

04 11-2020

Acziun da salvament Casa Carigiet

  • Acziun da collecta da CHF 250’000
  • cumpra dalla Casa Carigiet entras l‘uniun Trun Cultura

 

04 08-2020

Concept da diever, risguardond ulteriurs stabiliments digns da vegnir mantenir e beins culturals a Trun

  • discuors preliminars e contacts cun tuts purtaders da cultura
  • sclariments partenent finaziaziun ed organisaziun d’in menaschi persistent
  • presentaziun dil studi igl uost 2020   

 

09-2020 03-2021

Planisaziun per la reconstrucziun dalla Casa Carigiet

  • architectura: conservar la substanza e crear in interiur innovativ en cumbinaziun da monument ed intermediaziun d’art modern
  • concept da diever e finanziaziun entras l’uniun Trun Cultura, cun mieds da promoziun privats e publics
04-2021 03-2024

Realisaziun dil concept general Trun Cultura

  • reconstrucziun dalla Casa Carigiet
  • concept da diever e renovaziun dalla Casa Desax: residenza d’artists e liug da sentupada litterara
  • magasin d’exposiziun Matias Spescha ella fabrica da ponn, art contemporan

Team d’experts

Trun Cultura ha incaricau in team d’experts da planisar la reconstrucziun dalla Casa Carigiet ed il diever da tala. Plinavon vegn era igl ulteriur potenzial cultural cumpigliaus sco era l’utilisaziun dad ulteriurs stabiliments. Al team d’experts fan part:

bd2defc1b01775f4c271f96c7ee331e2

Lisa Schmidt-Candinas

representa la suprastonza dall’uniun Trun Cultura el team d’experts ed ei responsabla per la coordinaziun ed ils contacts cun partenaris sco era per las translaziuns. Ella ei presidenta dalla fundaziun OGNA, redactura dil Calender Romontsch ed anteriura scolasta secundara a Trun.

77f73b9c44c84d0be762e64e6eee9ae6

Simon Berger

ei il cau digl uffeci da tgira dil Cantun. El accumpogna la planisaziun e la reconstrucziun dalla Casa Carigiet sco era dils ulteriurs baghetgs tenor criteris digl uffeci da tgira.

gr.ch

f798387717047347540c8674c22c6a0e

Remo Derungs

ei architect e creatur d’exposiziuns cun grond’experientscha el sectur construcziun da baghetgs museals e digl interiur. El  meina la cummissiun da baghegiar, projectescha cun siu team il concept architectonic, elaborescha ils plans tochen alla damonda da baghegiar ed accumpogna la reconstrucziun, renovaziun ed igl indrez dils baghetgs.

gasserderungs.ch

0c5a073771770ff7f5e64dfc4040170c

Kajo Bächle

meina l’agentura da reclama Clus a Cuera ed ei tier Trun Cultura responsabels per communicaziun e marketing. El procura cun siu team per la publicaziun digitala ed analoga dils projects da Trun Cultura.

clus.ch

528e698da65482dc1bdd93f0a7ebd80f

Peter Fischer

ei curatur, scientist d’art e musica, anteriur menader dil Center Paul Klee a Berna e dil Museum d’art Lucerna. En cunvegna cun tuts purtaders da cultura elaborescha el in concept d’exposiziuns e da menaschi per la Casa Carigiet e pils ulteriurs baghetgs.

p-fischer.ch

251ac81925a85fc2c3a560fa1365f271

Thomas Imboden

ei manager da cultura e fundraiser cun ragischs a Trun ed iniziant da Trun Cultura. El organisescha sco commember dalla fundaziun OGNA ils events ella sculptura transibla da Matias Spescha. Sco menader dil team d’experts s’occupescha el dalla finanziaziun dil project Trun Cultura.

crossculture.ws

yb_06620